По повод Светскиот ден на животната средина – 5 јуни, Здружението на граѓани „ОХО“ по осми пат го организираше настанот Trash Fashion Macedonia – модна ревија на креации изработени со реупотреба на материјали која се одржа на 23.05.2019 година во просториите на Младинскиот културен центар во Скопје. Оваа иницијатива е дел од програмата „Интеграција на еколошката едукација во македонскиот образовен систем“ која се реализира во соработка и Министерство за образование и наука на Република Македонија.
Тимот кој оваа година успешно го претстави нашето училиште ССОУ ,,Димитрија Чуповски” – Велес беше во состав од:
• Марта Трајковска – модел
• Филип Петров, Тамара Станковска и Марија Јанева – креатори
• Христијан Киров – репортер
Учениците се претставија со креацијата ,,Вилинска роза” изработена од: најлон, картон, платно, жица, старо перде, хартија, алуминиумска фолија, скај, шноли за круната, најлонски доколенки и жица за цветовите. За финалниот модел беа употребени вкупно 3,5 килограми отпад. Учениците се подготвуваа под менторство на Руска Мицева – професор по биологија, со особена благодарност за помош од страна на Весна Славеска и Биљана Николова.
Во рамките на манифестацијата се одржаа и неколку работилници за оние учесници кои не го претставуваа моделот. Под менторство на Христина Зафировска (академска уметница) се изработуваа накит и модни додатоци од отпад.
ФОТО ГАЛЕРИЈА
[embedyt] https://www.youtube.com/watch?v=OtF8_sUNnkU[/embedyt]