На 11 април 2024 год, во рамките на GREEEN проектот (GREEEN: Games, Resources, Environment, Entrepreneurship, and Education Network) се одржа он-лајн натпревар за претприемачки зелени идеи заедно помеѓу тимовите од нашето и средното училиште „Орде Чопела“ од Прилеп. Нашето училиште се претстави со два претприемачки проекта: GreenCity – ученичка компанија која нуди решение за аерозагадувањето и WINN – компанија која нуди компатибилен up-grade филтер за прочистување на вода.
По презентирањето на сите четири бизнис идеи, судиите во состав: Андријана Зафировска – тим лидер во Еко Логик, професор Александар Таковски и Сашко Јованов – претседател на здружението Хуманост, прогласија две бизнис идеи кои ги оценија највисоко.
Од нашите тимови најмногу поени освои GreenCity идејата – односно О2Force филтер којобезбедува чист воздух со висок квалитет на прочистување, за урбаните средини каде загадувањето на воздухот е еден од најголемите проблеми и ризик фактор по здравјето на луѓето.
Ученици кои ги развија и презентираа овие бизнис идеи од нашето училиште беа: Бојана Воденичарова, Лиле Петрова, Бојана, Драган Ничовски и Ана Марија Митева од 4-2 и Меги Бочварова од 4-1.
Одговорни професори: Драгана Јованова и Руска Мицева
