Денес, 24.09.2018 г., во нашето училиште се реализираше првата работилница под мотото:
„БУЛИНГ – НЕ во моето училиште“, ,,И зборовите повредуваат“, во соработка со Првата детска амбасада во светот Меѓаши. Работилницата ја водеше професорката Елеонора Игновска, професор по македонски јазик и литература заедно со волонтерката од Детската амбасада Меѓаши, Стефи.
Учениците- дискутираа на темата „Булинг“. Што е тоа Булинг?, Кои се учесниците во ова насилство? Кои форми на врсничко насилство постојат во училиштата, како да го препознаеме и што да преземеме понатаму?
Преку дел од игрите за запознавање кои беа направени во текот на работилницата учениците констатираа дека „сите сме различни, а различностите треба да се почитуваат“ и дека тоа би била една од мерките за спречување на насилство.
Ваквите работилници ќе продолжат во текот на целата учебна година.
Одговорен професор Елеонора Игновска.